Wednesday, October 28

“Jo Hona hai wo Hoke Rahta hai”

Kya kisi ko asan hai dil ki har baat btana, ye soch k ki wo smajah lega hume. Hume bhi pta hota hai ki saamne se hume bus sahan-bhuti he milegi samajhne k naam pe, par tab bhi hmara dil hota he itna nadaan hai ki kisi ko btaye bina rahta he nahi hai. Kyunki dil mai ek Jwalamukhi rhta hai jo ubalta rahta hai agar wo sahi samay pe thanda na kiya jaaye to wo sirf vinaash he karta hai, dil ko dard he pohochata hai.
Hum insaan bhi bade ajeeb bane hai, hume pata sab hota hai ki kya galat hai aur kya sahi hai aur koi agar updesh maangey to hum to gyan mai P.Hd kiye hote hai jaise agar humne gyan baata to saamney waale ki zindgi alag he mukaam pe pohoch jaayegi. Hume pata hone k baad bhi wo galtiyan karte zarur hai, aisa kyun hota hai, kya wo cheez hona likha hai isliye hoti hai?
Sab kahte hai jo hota hai ache k liye hota hai, ye sach hai ya sirf sahanbhuti,
Kaash jo hua wo ni hua hota sab achha hota to kya insaan khush ni hota, kaash insaan mai kbi laalach ni aya hota, jo log bure kaam karte hai unko turant saza mil jaaye, kyun ni hota hai aisa. Kyun sach k liye bht intezar karna padta hai aur jabtak sach saamne aata hai tab tak na jaane kitna aur galat ho chukka hota hai, ye kaisi sach ki jeet hai jo jhuth k agey bht choti ho jaati hai.
Log galat kahte hai ki jo hone hota hai ache k liye hota hai, jo hota hai wo hum karte hai apne haathon se apne dimag se, Bhagwan kahlo ya Kismat kahlo ya phir wo taqat jo iss duniya ko chala rahi hai wo to sirf apko mauka deti hai sahi karne ka sab kuch agar aap tab bhi sahi nahi karte to phir wo apki galti hoti hai, uske liye hum kabhi ni kah sakte ki jo hona hota hai wo hoke rahta hai.
“Jo hota hai wo hum khud karte hai
Zindgi bus hume mauka deti hai sahi karne ka
Bigadna aur sawarna humare haath mai hai
Kyunki kabi koi nahi chahta ki apna kisi se alag ho,
Apno se koi juda ho….
Ni… Jo hona hai wo hum khud karte hai kabi khud ni hota”

Leave a Reply